ქართული პროგრამა

პროგრამა: ქართული სპექტაკლების პროგრამა
დასაწყისი: 12:00 - ხუთშაბათი, 27 სექტემბერი
მდებარეობა: კოტე მარჯანიშვილის სახელობის სახელმწიფო დრამატული თეატრი (სარეპეტიციო დარბაზი)
ლაშა ბუღაძე, მიშელ დიდიმი, სერჟ კოჰენი, მარი დილასე, კონსტანტინ კუსპერტი,ფრედერიკ სონტაგი

დადგი შენი ქალაქი

რეჟისორი მიშელ დიდიმი
აპლიკაციის დიზაინი, სცენოგრაფია, მედია და ციფრული ტექნოლოგიები: ქრის ზიგლერი
ხმის დიზაინი: დეიმონ ლი
სამხატვრო კოლაბორაცია: დიდიე ბილონი, იან გერიკი, ბერნდ ლინტერმანი, ლაშა კვანტალიანი
აპლიკაციის დეველოპერი : უანდიო დეველოპმენტ ჯგუფი
ციფრული დრამატურგია: იან ლინდერსი, ბრუნო კოენი, ნუცა ბურჯანაძე, სარა შტურენბერგი
ტექნიკური კოორდინატორი: დათა დვალიშვილი
შემოქმედებითი პარტნიორი: ZKM / ხელოვნების და და მედიის ცენტრი, კარლსრუე

 

 

დადგი შენი ქალაქი პარტნიორი თეატრების პროექტია ნენსი-ლორანის ნაციონალური დრამატული ცენტრის, Théâtre de la Manufacture ( საფრანგეთი), ბადენის სახელმწიფო თეატრის, კარლსრუე (გერმანია) და კოტე მარჯანიშვილის სახელობის სახელმწიფო დრამატული თეატრის (საქართველო). პროექტი ევროპული თეატრალური კონვენციის კო-პროდუქციაა და ხორციელდება ევროპული თეატრალური ლაბორატორიის პროექტის ფარგლებში: თეატრი ხვდება ციფრულ ტექნოლოგიებს. ევროპის თეატრალური ლაბორატორია ევრო-გაერთიანების შემოქმედებითი ევროპის პროგრამის მიერ არის თანადაფინანსებული.

 

დადგი შენი ქალაქი ორ ტრენდის შერწყმაა, ერთის მხრივ, ციფრული ტექნოლოგიების და მეორეს მხრივ, მონაწილეობითი თეატრის. იგი იყენებს გაძლიერებულ (AR), შერეულ და ვირტუალურ რეალობას, 360 °-ანი ვიდეოს, თამაშების ელემენტებს და მოიცავს ქალაქის ტურს, სადაც მონაწილეებს მეგზურობას აპლიკაცია უწევს. მონაწილეობითი მიდგომა აუდიტორიას აძლევს საშუალებას ჩაერთოს შემოქმედებით პროცესში და თვითონაც იპოვოს გზა ამ მომავლის დისტოპიური ზღაპრიდან, სადაც ქალაქს ხელოვნური ინტელექტის ზიგმაგორას ბატონობა ემუქრება. მონაწილეები ინტერაქტიულად იკვლევენ თავიანთ ქალაქს და ყურადღებას ისეთ თემებზე ამახვილებენ, როგორებიცაა ჯანმრთელობა, უსაფრთხოება, იდენტობა და სიყვარული.

ზიგმაგორა გიხმობს

წელი 2018  – ინტერნეტი, მობილური ტელეფონები, გეოლოკალიზაცია და სხვა საკომუნიკაციო საშუალებები თითოეული ჩვენგანისათვის ურთიერთობის ახლებურ ჩვევებს აყალიბებს და ჩვენს ხელში მუდმივად ახლებურ გამოყენებას პოვებს. ჩვენ ყოველდღიურად ვხვდებით ამ ცვლილებების მოწმე. მსოფლიოში მიმდინარე არარეგულირებული პროცესები (ეკონომიკური კრიზისები, კლიმატის ცვლა, მიგრაცია, ომები) ბიძგს აძლევს  ინდუსტრიალიზაციის ახალი სტადიის ჩამოყალიბებას, რაც ადამიანური საქმიანობის მასალის და სიმბოლური საქონლის კოდირებას გულისხმობს. ახლებურ მონაცემთა ეკონომიკა ინფორმატიკის გიგანტების მიერ არის მართული და  ელდორადოსავით ზღვა შესაძლებლობებს გვპირდება.

 

წელი 2052 – ოთხი ექსპერტი მომავლიდან კაცობრიობის მომავლის ამბავს გვიყვება. ისინი ხატავენ სურათს სადაც ყველაფერი სიმშვიდეს მოუცავს და სრულად კონტროლებადია. ადამიანთა საქმიანობას ეფექტურად მართავს ხელოვნური ინტელექტი და ხალხის მშვიდ და მოწესრიგებულ ცხოვრებაზე ალგორითმული რაციონალურობა ზრუნავს. (უფრო მეტიც, ყველას ერთი და იგივე ისტორიულ ჭეშმარიტებებზე ესაუბრებიან).

ამ დისტოპიურ სამყაროს აღარაფერი შერჩენია ინფორმაციის გადაცემის სიჩქარის, მონაცემთა დაგროვებისა და არაჩვეულებრივად უსაფრთხო და კონტროლებადი ქალაქის მიღმა. ადამიანებს აღარ შერჩათ გრძნობები, სიყვარულიც აღარსადაა. ზიგმაგორა ამ უემოციო სამყაროს მოწმე გამხდარა. იგი ამ ქალაქში იმ დროს ბრუნდება როდესაც ეს ყოველივე დაიწყო. ბრუნდება იმის გადასარჩენად რისი გადარჩენაც ჯერ კიდევ შესაძლებელია. იგი თითოეულ ადამიანს მნიშვნელოვან მისიას გაანდობს. ეს მისია ამ ქალაქში დაკარგული ემოციების აღმოჩენა და ძმობისა და ერთგულების, თანასწორობისა და თანაგრძნობის კვალის გაყოლაა.

ამ მისიის შესასრულებლად ქალაქში სახეტიალოდ გვიხმობენ. ეს მოგზაურობა დილემებითაა სავსე, რადგან ემოცია და გრძნობები ჩვენს არჩევანთანაა გადაჯაჭვული არჩევანთან, რომელსაც ადამიანებთან, ნივთებთან და ადგილებთან დაკავშირებით ვაკეთებთ. შევძლებთ კი ზიგმაგორას სამყაროს შეცვლას? და თუ შევძლებთ, რაგვარად?

ქართველი მაყურებლისთვის პრემიერა შედგება ქართული სპექტაკლების პროგრამის ფარგლებში
ხანგრძლივობა: 90 წუთი

 

- გთხოვთ, გადმოიწეროთ ზიგმაგორას (Zigmagora) აპლიკაცია თქვენს პერსონალურ მოწყობილობაში App Store ან Google Play - დან.
- გთხოვთ, დარწმუნდეთ, რომ თქვენს მოწყობილობას მიეწოდება მაღალი ხარისხის ინტერნეტი ქალაქის ტურის განმავლობაში
- გთხოვთ, თან იქონიოთ თქვენი ყურსასმენები.

მიშელ დიდიმი

იგი ბავშვობიდან ეზიარა თეატრს თავის მშობლიურ ნანსიში (საფრანგეთი), რომელიც თეატრის მსოფლიო ფესტივალის მასპინძლობასთან ერთად მდიდარი კულტურული ცხოვრებით გამოირჩეოდა და მიშელს მრავალი კინემატოგრაფიული, მუსიკალური და თეატრალური ნაწარმოებების ხილვის და განცდის საშუალებას აძლევდა.

მიშელი ამჟამად თეატრისა და ოპერის რეჟისორი და La Mousson d'été  ფესტივალისა და თანამედროვე თეატრალური ნაწარმოებების ევროპული სახლის (La Meéc) სამხატვრო ხელმძღვანელია. 2010 წლის იანვრიდან იგი ასევე ხელმძღვანელობს ნანსი-ლორანის ნაციონალურ დრამატულ ცენტრის (CDN) ლაბორატორიას, სადაც მისი ინიციატივით შეიქმნა RING ფესტივალი, გერმანული თეატრალური კვირეული Neue Stücke და  მოხეტიალე შოუ  Theatre de’ette (ლორენი, ლუქსემბურგი და გერმანია).

1989 წ. იგი ნიუ-იორკსა და სან-ფრანცისკოში ხელმძღვანელობდა სახელოსნოებს, სადაც  თანამედროვე ფრანგულ ტექსტებს წარადგენდა. 1990 წლიდან მას უამრავი თანამედროვე ნაწარმოები დაუდგამს. 1995 წელს, იმ მიზნით, რომ უფრო ჩაღრმავებოდა თანამედროვე თეატრს, თავის თეატრალურ კომპანია Boomerang- თან ერთად დააფუძნა ყოველწლიური ფესტივალი La Mousson d'été (ზაფხულის ცხელი დღეები), რომელიც თანამედროვე  ნაწარმოებების პოპულარიზაციას უწყობს ხელს და Abbaye des Prémontrés in Pont-à-Mousson -ში (საფრანგეთი) აგვისტოს ბოლოს ტარდება.

ფრანგი და ევროპელი ავტორების ტექსტებისა და თარგმანების გაცვლის ხელშეწყობის მიზნით 2001 წელს მან დააარსა La Meéc (თანამედროვე თეატრალური ნაწარმოებების ევროპული სახლი).

მისი ბოლოდროინდელი ნამუშევრებიდან აღსანიშნავია მისეული ინსცენირება ანჯელა დემატის ტექსტისა მე ლამაზი წითელი ბუშტი მქონდა რომან და რიჩარდ ბორინგერების მონაწილეობით 2013 წელს,  რომლისთვისაც ამ ორმა მსახიობმა   Coup de cœur du Théâtre public მიიღო.

2015 წელს მიშელმა დადგა მოლიერის Le Malade imaginaire ნანსი-ლორენის ლაბორატორიაში, რომელიც 250-ჯერ ითამაშეს ევროპასა და ჩრდილოეთ აფრიკაში, კერძოდ, საფრანგეთში, შვეიცარიაში, ბელგიაში, გერმანიაში, მოროკოში, მარაკეშში, რაბათსა და მეკნესში. ჩინეთში ამ ნამუშევრის წარამატებას მოყვა ბეიჟინგში ლუ ქსიუნის La véritable histoire de Ah Q-ის დადგმა ჩინელი მსახიობების მონაწილეობით.

2015 წ. მან რუმინელი ავტორის მიჰაელა მიჰაილოვის ნაწარმოები   Sales Gosses წარადგინა.

2016 წელს ასევე შექმნა არმანდო ლამასის Meutres de la princesse juive, Bon titre, Publicité mensongère.

2017 წ. პარიზის დეჟაზეს თეატრში მან ორი თვით  წარმოდგენებში არგან- ის    როლი შეითავსა.

2018 წელს მან დადგა მარგარიტ დურასის Les Eaux et Forêts ბრიჟიტ კატილონის, ჩარლი ნელსონის და ქეთრინ მატისის მონაწილეობით. მოგვიანებით მან თავისივე დაარსებული RING ფესტივალისათვის შექმნა ინტერაქტიული ციფრული წარმოდგენა დადგი შენი ქალაქი.

2019 წლის თებერვალში ლორენის ნაციონალურ ოპერაში (ნანსი) შედგება მისი პრემიერა ჯორჯო ბატისტელის ოპერისა 7 წუთი, სტეფანო მატისის ტექსტზე.