საერთაშორისო პროგრამა

პროგრამა: საერთაშორისო პროგრამა
დასაწყისი: 20:00 - სამშაბათი, 26სექტემბერი
მდებარეობა: კოტე მარჯანიშვილის სახელობის სახელმწიფო დრამატული თეატრი (დიდი სცენა)
ლუიჯი პირანდელო

კუ

რეჟისორი ლევან წულაძე

კომპოზიტორი ზურაბ გაგლოშვილი

მხატვარი ლევან წულაძე

ქორეოგრაფი გია მარღანია

მუსიკის ადაპტაცია ლევან წულაძე

კოსტიუმების დიზაინერი ნინო სურგულაძე

მონაწილეობენ:
ჯოვანი ფრანძონი, ჯუსტო კუკიარინი, მასიმო სკოლა, მიკელე მარინიელო, ჯულია კაილოტო, რობერტა დე სტეფანო. 

 

სპექტაკლის შესახებ:

ავტორი რომელზეც რეჟისორი ლევან წულაძე შეჩერდა, ლუიჯი პირანდელოა; პირანდელო არა დრამატურგი, არამედ პირანდელო  პროზაიკოსი.

მთავარ გმირს - ბატონ მიშკოვს (ჯოვანი ფრანძონი) მეგობარი   კუს ჩუქნის, რომელმაც მას ბედნიერება უნდა მოუტანოს. თუმცა   სახლიში  კუს  გამოჩენის შემდეგ სიტუაცია მთლიანად ირევა - ირყევა სტაბილური ბურჟუაზიული ყოფა , რის შედეგადაც მიშკოვის ცოლთან ურთიერთობა დაძაბულობის კულმინაციას აღწევს.  ცოლი მიშკოვს ულტიმატუმს უყენებს - „ თუ კუ სამ დღეში სახლიდან არ წავა,მაშინ  მე წავალ!“. გადაწყვეტილების მიღება არც ისეთი მარტივი და კომიკურია  როგორც ერთი შეხედვით ჩანს, მან უნდა გადაწყვიტოს გააგრძელოს, თუ შეწყვიტოს უკვე არამყარი და სიყვარულს მოკლებული ქორწინება.  რეჟისორი იუმორისტულ ირონიული მუხტით გვაჩვენებს  ადამიანურ გრძნობებს და  ზედაპირზე ამოაქვს მათი დრამატული და სევდიანი თანაცხოვრება.

 

პრესა:

"ლევან წულაძის რეჟისორული დებიუტი იტალიაში, მოედნაში  2015 წელს, ნიკოლოზ გოგოლის „შეშლილის წერილების“ დადგმით შედგა და  იგი სეზონის ნამდვილ აღმოჩენად იქნა აღიარებული."

„ელიკონი“

 

"მისი თეატრი ძიების თეატრია, საავტორო თეატრი, რომელიც ამავე დროს ფართო პუბლიკას იზიდავს. ERT-ის ხელმძღვანელი პიეტრო ვალენტი მას ასე ახასიათებს “ “თვალყური ადევნეთ ამ რეჟისორს, ის  ძალიან შორს წავა”

ემანუელა ჯამპაოლი
„ლა რეპუბლიკა“

 

ემილია რომანას თეატრალური ფონდისა და კოტე მარჯანიშვილის სახელობის დრამატული თეატრის პროდუქცია

ხანგრძლივობა:  75 წუთი, უანტრაქტოდ

ბილეთი: 10, 20, 35 ლარი

ვებგვერდები:  www.emiliaromagnateatro.com | www.marjanishvili.com

მისია

თეატრისადმი გამუდმებით ორი პერსპექტივით ცქერა: ერთი მხრივ მიეცეს ხელოვნებას საშუალება, თავისუფლად განვითარდეს, მეორე მხრივ კი - მიეცეს მაყურებელს საშუალება, ინტელექტუალურად და ემოციურად ჩაერთოს სპექტაკლის მიერ შემოთავაზებულ მხატვრულ სამყაროში.

კომპანიის მიზანია, იყოს ნაწილი ხელოვანთა ოცნებებისა და პროექტებისა, განსაკუთრებით კი ახლად ჩასახული ნამუშევრების, იყოს საკომუნიკაციო საშუალება, რომელიც ღიაა შემოთავაზებებისათვის ჩვენი სფეროს სხვადასხვა ტერიტორიიდან.

პროგრამის შედგენის ნაცვლად, უპირატესობა ენიჭება ცალკეულ პროექტებს, რადგან ეს ერთადერთი გზაა ქმნადობის მხატვრული პროცესის გაზიარებისა და მაყურებლისთვის მისი შეთავაზებისთვის.

ემილია რომანია თეატრალური ფონდი იტალიური ნაციონალური თეატრია მოდენაში, რომელიც ძირითადად დრამის სფეროში მუშაობს, ასევე გააჩნია ცეკვის მიმართულება. დაფუძნდა 1977 წელს, მისი ხელმძღვანელი 1994-2016 წლებში იყო პიეტრო ვალენტინი. 2017 წლიდან კი პოსტი კლაუდიო ლონგიმ დაიკავა. მეურვეთა საბჭოს წევრები არიან მუნიციპალიტეტის, რეგიონისა და სამინისტროს წარმომადგენლები.

 

ვებგვერდები:  www.emiliaromagnateatro.com | www.marjanishvili.com