ქართული პროგრამა

XIX საუკუნის ქართული თეატრის ისტორიის ერთ-ერთ მნიშვნელოვან მოვლენას  გორში თეატრის ჩამოყალიბება წარმოადგენს.

სწორედ გორიდან დაიწყო   ქართული თეატრის აღდგენის და ქართული დრამატურგიის განვითარების პროცესი. ამ პროცესს სათავეში ედგა გიორგი ერისთავი, რომელმაც თანამოაზრეებთან ერთად, თბილისში, 1850 წლის 14 იანვარს პირველად წარმოადგინა თავისი  პიესა ,,გაყრა“.

თანამედროვე კვლევების მიუხედავად, დღემდე  გორის თეატრის ოფიციალური  დაარსების თარიღად 1865 წლის 26 ივლისი ითვლება, დღე როდესაც საჯაროდ უჩვენეს გიორგი ერისთავის კომედია „ძუნწი“.

მნიშვნელოვანია, რომ გორის სასცენო ხელოვნებაში თავიდანვე მრავალი ქალი მონაწილეობდა, მაშინ როდესაც სხვაგან და თბილისშიც ასეთ საქმიანობას ერიდებოდნენ.

1939 წლის დასასრულს,  გორში თეატრისათვის აშენდა ახალი, 500 ადგილიანი შენობა. გორის თეატრს  შემდგომში გიორგი ერისთავის სახელი ეწოდა.

დაარსებიდან დღემდე  ერისთავის თეატრში არაერთი სახელგანთქმული მსახიობი და რეჟისორი მოღვაწეობდა. თეატრი დღემდე აქტიურად აგრძელებს შემოქმედებით საქმიანობას.

საკონტაქტო  ინფორმაცია:
თეატრის სამხატვრო  ხელმძღვანელი:  დავით ჩხარტიშვილი
საკონტაქტო პირი: დავით ჩხარტიშვილი
ტელ:+995 577 385286
E-mail:chxartishvili.daviti@gmail.com / eristavisteatri@gmail.com
www.eristavitheatre.com