17,18,19 სექტემბერი - ტრანსფორმაცია

ადგილდებარეობა: მარჯანიშვილის თეატრი; მცირე სცენა შესასვლელი უზნაძის ქუჩიდან.
17,18,19 სექტემბერი  -   ტრანსფორმაცია

გამორჩეული პერსონაჟების შექმნის ხელოვნება

ჯაილზ ფორმანი
ჯაილზ ფორმანის  სამსახიობო ოსტატობის სწავლებით მთელ მსოფლიოშია ცნობილი; მას არაერთხელ უმუშავია მრავალი ჯილდოსა თუ პრემიის მქონე ფილმსა და სატელევიზიო შოუზე. ფორმანი სამსახიობო ხელოვნებას ლონდონის დრამატულ ცენტრში ეუფლებოდა, კრისტოფერ ფეტსის, იატ მალმგრენის და როვენ ადივის ხელმძღვანელობით. ეს ის აკადემიაა, რომელმაც მსოფლიოს არაერთი ვარსკლავი შეჰმატა - ენტონი ჰოპკინსი, შონ კონერი, პირს ბროსნანი, მაიკლ ფასბენდერი, ჯერალდინ ჯეიმზი, ტომ ჰარდი და მრავალი სხვა.

თავად ჯაილზი ელენ მაკკროისთან, ტერა ფიცჯერალდსა და ანასტეშა ჰილთან ერთად სწავლობდა. როგორც დრამატული ცენტრის პროფესორთა ჯგუფის წევრი, ფორმანი ისეთ პერიოდში ასწავლიდა, როდესაც ცენტრი მრავალმა ცნობილმა მსახიობმა დაამთავრა: სახსენებლად მაიკლ ფასბენდერის და  ტომ ჰარდის სახელებიც იკმარებს. იგი წლების განმავლობაში ამზდებდა და/ან ხელმძღვანელობდა  კინოს, სატელევიზიო შოუებისა თუ თეატრის უამრავ მსახიობს.

 

სემინარის შესახებ:

რა აქვთ ერთმანეთთან საერთო ენტონი ჰოპკინსს, პირს ბროსნანს, კოლინ ფერტს, ლამბერტ უილსონს, ჰელენ მაკრორის, შონ ჰარისს, პოლ ბეტანის, სანტიაგო კაბრერას, ტომ ჰარდის, მაიკლ ფასბინდერსა და გვენდოლინ კრისტის? პერსონაჟების ანალიზი ან მოძრაობის ფსიქოლოგიასთან დაკავშირებული მუშაობა - იატ მალმგრენი.

ჯაილზ ფორმანს  იატ მალმგრენისა და რუდოლფ ფონ ლაბანის მიერ შემუშავებულ მეთოდზე, პერსონაჟების ანალიზსა თუ მოძრაობის ფსიქოლოგიაზე დაფუძნებული არაჩვეულებრივი ნამუშევარი თბილისში ჩამოაქვს და სამდღიან ვორქშოფს გამართავს ქართველ მსახიობებთან.

 

იატ მალმგრენის ნაშრომი მსახიობს საფუძვლიან უნარს უვითარებს, გარდაიქმნას როგორც შინაგანად, ასევე - გარეგნულად. ეს მეთოდი ფასდაუდებელი ინსტრუმენტია მსახიობისთვის, რომელსაც სწამს პერსონაჟისა და მასზე მუშაობისას მაქსიმალური სიზუსტის მიღწევა სურს. ეს არის ადამიანის თვითგამოხატვის შესაძლებლოების ღრმად შემსწავლელი მეთოდი, რომელიც პირველად რუდოლფ ფონ ლაბანმა შეიმუშავა, 50 წლის განმავლობაში ხვეწდა, ჩამოყალიბებული და საბოლოო სახე კი იატ მალმგრენმა მისცა. ეს არის ადამიანის თვითგამოხატვის ერთადერთი ვრცელი ტიპოლოგია, რომელიც ჩვენთვისაა ცნობილი, ამ გარდაქმნების ხელშესაწყობად მას არაჩვეულებრივი სავარჯიშოების კომპლექსი აქვს დართული. სწორედ ეს ნამუშევრები აკავშირებს სტანისლავსკისთან ლაბანსა და მის ფუნდამენტურ რიტმებს - ლაბანის საოცარ აღმოჩენას, რომელთა მეშვეობითაც იქმნება პერსონაჟი. ლაბანს სწამდა, რომ ადამიანს შეეძლო გამოეცნო, თუ ვინ არის მეორე ადამიანი ან რა სურს მას - თუნდაც იმაზე დაკვირვებით, როგორ შემოდის იგი ოთახში!! ნახეთ ეს ნამუშევარი და იგი შეცვლის თქვენს წარმოდგენას პერსონაჟის და სამყაროს შესახებ. 

 

”ეს რევოლუციური, მაგრამ თან სრულიად პრაქტიკული მიდგომა

ჩვენი ხელობისადმი. ამ მეთოდის გარეშე მე ვერ ვმუშაობ. ” 

კოლინ ფერტი, ,,საუბრები პროცესის შესახებ“

 

ვორქშოფი სამი დღის განმავლობაში ჩატარდება მარჯანიშვილის თეატრის მცირე სცენაზ

ხანგრძლივობა: 

17 სექტემბერი 14:00 - 19:00, შესვენებით

18 სექტემბერი 11:00 - 17:00, შესვენებით

19 სექტემბერი 11:00 - 17:00, შესვენებით 

  

www.gilesforeman.com

www.facebook.com/gilesforeman.centre

 

 

რეგისტრაცია:

-  გთხოვთ მოგვაწოდოთ შემდეგი ინფორმაცია მოცემულ ელექტრონულ მისამართზე tia@tbilisiinternational.com

-      -     მოკლე ბიოგრაფიული მონაცემები, 300 სიტყვა და 3 ფოტო სურათი

-       -   რეგისტრაცია სრულდება 12 სექტემბერს  18:00 საათზე

 

გთხოვთ გაითვალისწინოთ!

-        -   მონაწილეთა რაოდენობა შეზღუდულია და განისაზღვრება  მხოლოდ 15 ადამიანით.

-         - მონაწილეობის მიღება შეუძლიათ პროფესიონალ მსახიობებს 35 წლამდე

 

 

ფოტო გალერეა

© 2022 All Rights Reserved