შინ, ნულისკენ

ღია სივრცე ვიზუალური და საშემსრულებლო ხელოვნების ცენტრი არის დამოუკიდებელი სახელოვნებო კომპანია, რომელიც მიზნად ისახავს საქართველოში ექსპერიმენტული ვიზუალური და საშემსრულებლო ხელოვნების განვითარებას. 

იგი ქმნის სოციალური და კულტურული გადაკვეთების სივრცეს, რომელშიც ფართო საზოგადოებას შესაძლებლობა ეძლევა გაეცნოს თანამედროვე ხელოვანების ძიებებს სხვადასხვა მიმართულებით. 

ცენტრში წარმოდგენილი პროგრამა ინტერდისციპლინარულია და იძლევა ხელოვნების სხვადასხვა დარგში სინთეზურად მუშაობის შესაძლებლობას, ქმნის ხელმისაწვდომ და ინკლუზიურ გარემოს საზოგადოების ყველა წევრისთვის, ცდილობს აღმოაჩინოს არტისტები და მისცეს მათ პროფესიული უნარ-ჩვევების განვითარების, თვითგამოხატვისა და ერთმანეთთან დაკავშირების შესაძლებლობა, შექმნას გარემო სრული შემოქმედებითი თავისუფლებისა და თვითრეალიზების მეთოდების შეუზღუდავობისთვის. 

ღია სივრცე მდებარეობს ქალაქის ცენტრისგან 6 კმ. მოშორებით, პოსტინდუსტრიულ რაიონში, ყოფილი ელექტროძრავების ქარხნაში. ეს გადაწყვეტილება წარმოადგენს მცდელობას სახელოვნებო პროცესები მიმდინარეობდეს და ვითარდებოდეს ცენტრალიზებული კულტურული პროცესების მიღმა, შემოიკრიბოს მრავალფეროვანი აუდიტორია და შექმნას სოციალიზაციის ახალი წერტილი.

ცენტრის წლიური პროგრამა შედგება დროებითი გამოფენების, პერფორმანსების, სპექტაკლების, მუსიკალური ღონისძიებების, უორქშოპებისა და დისკუსიებისგან.

თეატრის სამხატვრო ხელმძღვანელი მიხეილ ჩარკვიანი, დავით ხორბალაძე

თეატრის დირექტორი ანა გურგენიძე

საკონტაქტო ინფორმაცია : ბერი გაბრიელ სალოსის გამზირი,

შესახვევი 1, #2, მე-5 სართული

openspaceea@gmail.com

+995 557 908 973